Stofuskrá
Rafræn sjúkraskrá, dagatal, netbókun og rukkun fyrir sjúkraþjálfara, sálfræðinga og aðra sjálfstætt starfandi heilbrigðisstarfsmenn. Tilbúin fyrir 1. desember 2026.
Stofuskrá er íslensk rafræn sjúkraskrá fyrir sjálfstætt starfandi heilbrigðisstarfsfólk. Sjúkraskrá, dagatal, netbókun, áminningar og rukkun á einum stað, byggt utan um lög nr. 55/2009 um sjúkraskrár og reglugerð nr. 550/2015.
Hvers vegna núna
Rafræn sjúkraskrá verður skylda 1. desember 2026
Með lögum nr. 81/2025 verður skylt að færa stafræna sjúkraskrá frá og með 1. desember 2026. Embætti landlæknis hvetur veitendur heilbrigðisþjónustu til að nota sjúkraskrárkerfi sem uppfyllir kröfur um öryggi gagna og aðgangsstýringu.
Margir sjálfstætt starfandi skrá enn á pappír, í Word eða Excel. Þau skjöl halda hvorki utan um hver opnaði skrána né breytingasögu. Stofuskrá er einföld leið til að uppfylla kröfurnar án þess að flækja daginn.
Eiginleikar
Allt sem stofan þarf, í einu kerfi
Sjúkraskrá fyrir þína stétt
Komusniðmát fyrir sjúkraþjálfun, sálfræði, talmeinafræði, iðjuþjálfun og næringarfræði, til dæmis VAS-kvarði, PHQ-9 og GAD-7. Myndir og skjöl fylgja komunni.
Dagatal
Dags-, viku- og mánaðarsýn með dálki fyrir hvern starfsmann. Endurteknir tímar, vinnutími, frí og biðlisti. Dragðu tíma til að færa hann.
Netbókun
Skjólstæðingar velja lausan tíma á bókunarsíðu stofunnar. Stofan samþykkir hverja beiðni áður en hún fer í dagatalið.
SMS- og tölvupóstáminningar
Á þeim tíma og með þeim texta sem stofan velur. Aldrei heilsufarsupplýsingar, og skjólstæðingur getur afbókað með fyrirvara í gegnum tengil.
Rukkun og kvittanir
Gjaldskrá stofunnar, kvittun á prenti eða í tölvupósti, dagsuppgjör eftir greiðslumáta og CSV-skrá fyrir bókhaldið.
Samþykki á spjaldtölvu
Skjólstæðingur les og undirritar samþykki í móttökunni. Undirskriftin er dulkóðuð og textinn sem var undirritaður geymist með henni.
Það sem skiptir mestu
Engu er eytt og allt er rekjanlegt
Undirrituð koma er læst. Leiðrétting geymist í breytingasögu með ástæðu og nafni þess sem breytti, og skráð er hver opnaði sjúkraskrá og hvenær. Gagnagrunnurinn sjálfur kemur í veg fyrir að sjúkraskrárgögnum sé eytt.
Þannig getur stofan sýnt fram á að farið sé eftir lögum um sjúkraskrár, og skjólstæðingur getur fengið afrit og yfirlit yfir aðgang.
Svona byrjar þú
Komin af stað á nokkrum mínútum
-
Skráðu stofuna
Á stofuskra.is skráir þú stofuna og velur stétt. Ekkert greiðslukort og ekkert að setja upp. Kerfið keyrir í vafranum.
-
Settu upp tvíþætta auðkenningu
Lykilorð og kóði úr auðkennisappi í símanum við hverja innskráningu, fyrir alla notendur.
-
Fluttu inn skjólstæðinga
Skjólstæðingalistinn er fluttur inn úr Excel eða CSV og þú sérð forskoðun áður en nokkuð er vistað.
-
Bjóddu starfsfólki og opnaðu netbókun
Hver starfsmaður fær eigin aðgang og dálk í dagatalinu. Stilltu vinnutíma, áminningar og bókunarsíðu stofunnar.
Fyrir hverja
Gerð fyrir litlar stofur
Fyrir fótaaðgerðafræðinga höfum við sérhæfða systurkerfið Fótaskrá.
Verð
Eitt verð, allt innifalið
Stofa
14.990 kr.
á mánuði án VSK. Einn notandi innifalinn. 30 daga prufutími án greiðslukorts.
- Hver viðbótarnotandi
- 1.990 kr. á mánuði
- SMS-áminning
- 8 kr. á SMS
- Áminningar í tölvupósti
- Innifalið
- Netbókun, rukkun og samþykki
- Innifalið
- Innflutningur og útflutningur gagna
- Innifalið
Gögn og öryggi
Gögnin eru ykkar og þau eru varin
- Tvíþætt auðkenning (TOTP) fyrir alla notendur.
- Gögn hverrar stofu eru aðskilin og hýst innan EES.
- Myndir, skjöl og undirskriftir eru dulkóðuð og öll umferð fer um dulkóðaða tengingu.
- Aðgangsskrá yfir allar uppflettingar, og stjórnandi getur lokað á aðgang einstakra starfsmanna að einstökum skjólstæðingum.
- Áminningar innihalda aldrei heilsufarsupplýsingar.
- Vinnslusamningur fylgir áskriftinni og þið getið sótt öll gögn stofunnar hvenær sem er.
Algengar spurningar
Spurt og svarað
Hvað er Stofuskrá?
Stofuskrá er vefkerfi fyrir sjálfstætt starfandi heilbrigðisstarfsfólk: rafræn sjúkraskrá, dagatal, netbókun, áminningar, rukkun og undirritun samþykkis á einum stað, á íslensku.
Uppfyllir Stofuskrá lög um sjúkraskrár?
Kerfið var hannað út frá lögum nr. 55/2009 og reglugerð nr. 550/2015: breytingasaga í stað eyðingar, aðgangsskrá, takmörkun aðgangs, tvíþætt auðkenning, afrit sjúkraskrár og útflutningur. Ábyrgðin á skráningunni sjálfri er áfram hjá heilbrigðisstarfsmanninum.
Hvað kostar Stofuskrá?
14.990 kr. á mánuði án VSK fyrir stofuna með einum notanda. Hver viðbótarnotandi kostar 1.990 kr. á mánuði og hvert SMS 8 kr. Fyrstu 30 dagarnir eru án endurgjalds.
Er Stofuskrá tengd Sjúkratryggingum Íslands?
Ekki enn. Rukkun til skjólstæðinga, kvittanir og dagsuppgjör eru í kerfinu, en reikningar fara ekki sjálfkrafa til Sjúkratrygginga. Hafðu samband ef það skiptir stofuna þína máli.
Get ég flutt gögn úr öðru kerfi?
Já. Skjólstæðingalistinn er fluttur inn úr Excel eða CSV. Ef þú þarft að flytja eldri sjúkraskrár finnum við leið með þér.
Þarf ég að setja upp forrit?
Nei. Stofuskrá keyrir í vafranum á tölvu, spjaldtölvu og síma.
Hver er munurinn á Stofuskrá og Fótaskrá?
Fótaskrá er sérhæfð fyrir fótaaðgerðafræðinga. Stofuskrá er fyrir aðrar heilbrigðisstéttir og bætir við dagatali, netbókun, áminningum og rukkun. Bæði kerfin eru þróuð og rekin af Vefhjálp.
Prófaðu Stofuskrá frítt í 30 daga
Ekkert greiðslukort. Við förum gjarnan yfir uppsetninguna með þér.
Stofuskrá er þróuð og rekin af Vefhjálp á Íslandi.